شوہر مر جائے تو عورت کی زندگی نامکمل سی ہو جاتی ہے چاہے وہ کسی بھی ملک سے تعلق رکھے۔ ہر جگہ بیواؤں کے حقوق کے لیے تو آواز اٹھائی جاتی ہے لیکن ان کی زندگی کے نقصان کی بھرپائی نہیں کی جاسکتی۔
امریکی ریاست یوٹاہ سے تعلق رکھنے والی ایک 33 سالہ خاتون لکھاری کوری ڈارڈن رچنز نے پچھلے سال 4 مارچ کو پولیس کو فون کرکے اپنے شوہر ایرک رچنز کی موت کی اطلاع دی تھی اس وقت لگ بھگ ڈھائی یا 3 بج رہے تھے۔
پولیس نے ایرک رچنز کو بچانے کی ہر ممکن کوشش کی لیکن وہ ناکام رہے۔
فورینزک رپورٹس کے مطابق مصنفہ کے شوہر کی موت ضرورت سے زیادہ ادویات لینے کے باعث ہوئی۔
تفتیش سے معلوم ہوا کہ یہ جان لیوا ادویات کوری ڈارڈن رچنز نے خریدی تھیں اور وہ وقفے وقفے سے اپنے شوہر کو دے رہی تھیں، جس کی وجہ سے شوہر کی موت واقع ہوئی۔
مصنفہ کوری ڈارڈن رچنز کا کہنا ہے کہ میں نے شوہر کے قتل کے بعد اس کے غم سے نکلنے کے لئے آپ میرے ساتھ ہیں؟ Are You With Me? نامی کتاب لکھی جس نے انہیں اور ان کے تین بچوں کو اس غم سے نکلنے میں مدد دی۔
یہ کتاب صرف ہمیں ہی نہیں بلکہ ہر اس شخص کو غم سے نکلنے میں مدد کرے گی جس نے اپنے پیاروں کو کھو دیا ہے۔
پولیس کا اس حوالے سے کہنا ہے کہ قتل کی وجہ معلوم نہ ہوسکی، خاتون کی سزا کے حوالے سے اگلی سماعت 19 مئی کو مقرر ہے۔