میاں بیوی کے رشتے میں اکثر چھوٹی موٹی نوک جھوک ہو جاتی ہے پر شوہر کو تکلیف میں دیکھ کر اہلیہ کی حالت تو ایسے ہو جاتی ہے کہ جیسے اس کی اپنی سانس رک گئی ہو۔
بالکل اسی تکلیف میں اس وقت ملک کی نامور اینکر عمران ریاض کی اہلیہ ہیں،انہوں نے اپنا ایک ویڈیو پیغام اس وقت جا ری کیا جوکہ خوب وائرل ہو چکا ہے۔
اس پیغام میں انہوں نے کہا کہ میرے خاون د عمران ریاض نے 15 سالہ صحافتی کیرئیر میں ہمیشہ عوام اور پاکستانیوں کیلئے آواز اٹھائی ہے یہی نہیں بلکہ ملک کے مشکل علاقوں میں جا کر عوام کی آواز بنے۔
مگر اب گزشتہ 5 دنوں سے جس ازیت و پریشانی میں ہم مبتلا ہیں یہ ہم ہی جانتے ہیں۔ کیونکہ ہمیں معلوم نہیں کہ عمران ریاض کہاں ہیں۔
انہیں بازیاب کروانے کیلئے ہماری آواز بنیں اور میرے شوہر کیلئے دعا کریں کیونکہ اس وقت عمران کے والدین ،ان کے بچے اور میں شدید اذیت میں ہیں۔ مزید یہ کہ ہمیں ہماری عدالتوں اور اپنے وکلاء پر پورا یقین ہے۔ مگر عمران کی زندگی کیلئے اگلے 48 گھنٹے بہت اہم ہیں۔