ایشیا کپ کے انعقاد سے پہلے پاکستان کو بڑی کامیابی مل گئی، بھارت نے پاکستان کے سخت موقف کے سامنے گھٹنے ٹیک دیئے۔
بھارت پاکستان کی میزبانی میں ایشیا کپ کے لیے ہائبرڈ ماڈل کو تسلیم کرنے کے لیے تیار ہوگیا۔ہائبرڈ ماڈل کے تحت بھارت ایشیا کپ کے میچز نیوٹرل وینیو پر کھیلے گا جو کہ متحدہ عرب امارات اور سری لنکا ہو سکتے ہیں۔
یاد رہے کہ اس سال ایشیا کپ کا انعقاد پاکستان جبکہ ورلڈکپ کا انعقاد بھارت میں ہونا ہے تاہم دونوں حریفوں کی جانب سے ایک دوسرے کے ملک میں کھیلنے کے حوالے سے بیانات کا سلسلہ جاری تھا۔
پاکستان نے ایشیا کپ کیلئے بھارت کے پاکستان نہ آنے کی صورت میں ورلڈکپ کے بائیکاٹ کی دھمکی دی تھی جس پر بھارت نے پاکستان کی طرف سے نیوٹرل مقام پر کھیلنے کی پیشکش کا مثبت جواب دیا ہے۔
رپورٹس کے مطابق اس حوالے سے بی سی سی آئی باضابطہ اعلان 27 مئی کے اجلاس کے بعد کرے گا اور ایشین کرکٹ کونسل ایشیا کپ کے شیڈول کا اعلان بھارتی فیصلے کے بعد کرے گا جبکہ اس حوالے سے پاکستان کو ورلڈ کپ میں شرکت کے لیے تحریری یقین دہانی کرانی ہوگی۔