مفتی اعظم پاکستان کے نام سے پہچانے جانے والے مفتی منیب الرحمٰن کو پاکستان اور دنیا بھر میں ایک خاص شہرت حاصل ہے۔ ان کو سب جانتے اور پہچانتے ہیں۔ لیکن کبھی ان کی نجی زندگی کے بارے میں کوئی نہیں جانتا تھا۔ حال ہی میں یہ نادر علی پوڈکاسٹ میں آئے جہاں انہوں نے پہلی مرتبہ جوان سالہ بیٹے کے موت کے متعلق بتایا کہ کیسے ان کے 36 سال کا بیٹا ان کی آنکھوں کے سامنے ان سے دور ہوگیا۔
مفتی منیب الرحمٰن نے بتایا کہ میرا ایک ہی بیٹا تھا۔ جوانی میں اس کو آنتوں کا کینسر ہوگیا تھا جب اس کی تشخیص ہوئی تو وہ تیسرے چوتھے سٹیج میں تھا ہم نے آپریشن کروایا، 12 سیشن کیموتھراپی کے ہوئے۔ ایک مرتبہ وہ ٹھیک ہوگیا تھا۔ ایک ہی سال کے بعد اس کو دوبارہ کینسر ہوگیا اور 36 سال کی عمر میں اس کا انتقال ہوگیا۔ اس کے ٹیسٹ کیے، بائوپسی کے لیے سنگاپور گیا وہاں دوا تجویز ہوئی پھر امریکہ سے اجازت نامے کے بعد وہ دوائی ملی۔ ہم نے بہت کوشش کی، ڈاکٹروں نے بھی کوشش کی۔ لیکن
دوبارہ کینسر ہوگیا تھا وہ ناقابلِ علاج ہوگیا اس کا انتقال ہوگیا۔
اب بیٹے کے 2 بچے ہیں ایک بیٹا میٹرک میں اور بیٹی چھٹی جماعت میں ہے۔
واضح رہے ان کے بیٹے کا انتقال
2014 میں ہوا تھا۔
جس کے بعد مفتی صاحب نے کبھی کسی کو نجی زندگی سے متعلق کچھ نہ بتایا اور صبر سے کام لیا۔