دنیا میں انسان چھوٹی چھوٹی باتوں پر لڑ جاتے ہیں۔ سڑک پر گاڑی ٹکرا جائے یا پھر کوئی اونچا بول جائے تو ہاتھ اپائی شروع ہو جاتی ہے۔ ایسا ہی کچھ ان دو بزرگوں کے ساتھ بھی ہوا ہوگا ۔ جن کی ویڈیو نے سوشل میڈیا پر تہلکہ مچا دیا ہے۔
ہوا کچھ یوں کہ محلے کی گلی میں لگے سی سی ٹی وی کیمرے میں یہ منظر ریکارڈ ہوا جس میں ہم دیکھ سکتے ہیں کہ اپنی اپنی موٹر سائیکلوں پر بزرگ سفر کر رہے تھے کہ کچھ آپس میں میں بات ہوئی جس کے بعد انہوں نے ایک دوسرے پر مکوں کی بارش کر دی یہی نہیں بلکہ کبھی یہ ایک دوسرے کے ہاتھ مروڑتے۔
تو کبھی گالم گلوچ کرتے مزید یہ کہ 1 منٹ تک لڑنے کے بعد بھی سکون نہ ملا تو جاتے جاتے ایک بزرگ نے دوسرے کو دوبارہ سے لاتیں مارنا شروع کر دیں، پھر اب دوسرے بابا جی لگتا ہے ڈر گئے اور موبائل نکال کر اپنے کسی عزیز کو بلانے لگے تاکہ اس بابا سے مقابلہ کیا جا سکے۔
واضح رہے کہ اس ویڈیو کو دیکھنے کے بعد سوشل میڈیا صارفین بھی اپنی رائے کا اظہار کر رہے ہیں۔ جیسا کہ ایک صارف کہتا ہے کہ ابھی یہ حال ہے تو جوانی میں کیسے ہوں گے یہ دونوں جبکہ ایک صارف نے تو یہاں تک کہہ ڈالا کہ ان دونوں کے نظر چشمے اتروا دو، لڑائی خود بخود ختم ہو جائے گی۔