آج کل مختلف اقسام کے فریج بننے لگے ہیں۔ یہاں تک کہ ایسے فریج جو مکمل الماری جیسے دکھتے ہیں اور کچھ ایسے فریج جن میں ڈسپینسر موجود ہوتا ہے۔ البتہ آج جو فریج ہم آپ کو دکھانے جارہے ہیں ویسا فریج شاید ہی کسی نے دیکھا ہو۔
ویڈیو میں دیکھا جاسکتا ہے کہ بظاہر عام سا دکھنے والا فریج جب کھولا گیا تو اندر سے پورا گھر برآمد ہوگیا ہے۔ سعودی میڈیا کے مطابق یہ ایک غیر قانونی گودام میں رہائش کو خفیہ رکھنے کے لیے طریقہ اپنایا گیا ہے۔ ریفریجریٹر کے دروازے کو گھر کے دروازے کے طور پر استعمال کیا گیا ہے۔
وزارت تجارت کا کہنا ہے کہ اس گھر سے ملنے والے افراد کو زیرِ حراست سے لیا گیا ہے جبکہ گھر کا مکمل معائنہ جاری ہے۔