سری لنکا کے خلاف گال میں جاری دو ٹیسٹ میچز کی سیریز کے پہلے میچ میں پاکستان کی پوزیشن مضبوط ہو گئی ہے۔پاکستان کی پوری ٹیم پہلی اننگز میں 461 رنز بنا کر آؤٹ ہوگئی جس کے بعد گرین شرٹس کو سری لنکا پر 149 رنز کی برتری حاصل ہے۔میچ کے تیسرے دن پاکستانی ٹیم میزبان ٹیم پر حاوی نظر آئی۔ پاکستان نے تیسرے دن کا کھیل پانچ وکٹوں کے نقصان پر 221 رنز شروع کیا۔پاکستان کی جانب سے سعود شکیل 208 رنز بنا کر ناٹ آؤٹ رہے جبکہ آغا سلمان نے 83 اور شان مسعود نے 39 رنز سکور کیے۔
سری لنکا کی طرف سے بولنگ کرتے ہوئے رمیش مینڈس نے پانچ، پرباتھ جے سوریا نے تین جبکہ وِشوا فرنینڈو اور کاسُن راجیتھا نے ایک ایک وکٹ حاصل کی۔
تیسرے دن کے کھیل کی سب سے خاص بات پاکستانی بیٹر سعود شکیل کی تاریخی ڈبل سینچری رہی جس نے گرین شرٹس کی میچ میں پوزیشن مستحکم کر دی ہے۔بائیں ہاتھ کے بیٹر نے پہلی اننگز میں ناٹ آؤٹ رہتے ہوئے 361 گیندوں پر 208 رنز کی یادگار اننگز کھیلی جس میں انہوں نے 19 چوکے بھی لگائے۔سعود شکیل سری لنکا میں سری لنکا کے خلاف پاکستان کی جانب سے ایک اننگز میں سب سے زیادہ سکور کرنے والے کھلاڑی بن گئے ہیں۔THE HIGHEST TEST SCORE by a Pakistan batter in Sri Lanka!
Saud Shakeel has crossed Mohammad Hafeez's 196 #SLvPAK LIVE https://t.co/q2j3h8lRtc pic.twitter.com/jqH9KshMGa
— ESPNcricinfo (@ESPNcricinfo) July 18, 2023
27 برس کے بیٹر نے گزشتہ سال انگلینڈ کے خلاف قومی ٹیم کے لیے ٹیسٹ کرکٹ میں ڈیبیو کیا تھا۔انہوں نے پاکستان کی جانب سے ابھی تک 6 ٹیسٹ میچز میں 788 رنز بنائے ہیں جس میں دو سینچریاں اور پانچ ففٹیاں بھی شامل ہیں۔اُن کی ٹیسٹ کرکٹ میں 131 رنز کی اوسط ہے۔سعود شکیل کی تاریخی اننگز کے بعد اُن کے بارے میں سماجی رابطوں کی ویب سائٹ ٹوئٹر پر بھی صارفین کی جانب سے تبصرے دیکھنے میں آ رہے ہیں۔
سعد چاندنا اپنی ٹویٹ میں لکھتے ہیں کہ ’سعود شکیل نے اپنی قابلیت اور صبر کا مظاہرہ کیا۔ کیا شاندار اننگز ہے۔ سری لنکا کے خلاف گال میں کھیلنا آسان نہیں ہے اور سعود نے یہ کر دکھایا ہے۔ لڑکے نے ٹیسٹ ٹیم میں اپنی جگہ پکی کر لی ہے۔‘
Saud Shakeel showed his class and patience. What a glorious innings. Playing against SL in Galle is not easy and he has done it. Boy has Cemented his place in red ball team.#PAKvsSL
— Saad Chandna (@SaadChandna) July 18, 2023
اسد عبداللہ کہتے ہیں کہ ’ایک ہائی کوالٹی کی اننگز ہے، اس باری کو زمانوں تک یاد رکھا جائے گا۔ سلام ہے سعود شکیل۔‘An innings of highest highest quality , a knock for the ages , take a bow SAUD SHAKEEL ! pic.twitter.com/enYH4pbwxt
— Asad Abdullah (@asad_qureshi257) July 18, 2023
فاطمہ مسرور نے سعود شکیل کے بارے میں ٹویٹ کیا کہ ’پاکستان سے باہر پہلا انٹرنیشنل میچ کھیل رہے ہیں اور میچ کا سب سے اہم نقطہ مشکل سپنرز کی ٹیم کے خلاف اُن کی ہوم کنڈیشنز میں ڈبل سینچری کرنا ہے۔ آپ ایک شاندار کھلاڑی ہو سعود۔ سلام ہے۔ یہ ہائی کوالٹی کی اننگز ہے۔‘Playing his first international test game outside Pakistan and a double hundred against a tough spin side in their home conditions on the most crucial point of the game, you are an incredible player Saud. Hats off, high quality innings.
— Fatima Masroor (@sheenuuuufan) July 18, 2023