ایشیا کپ کے سپر فور مرحلے میں سری لنکا نے بنگلہ دیش کو 21 رنز سے ہرا دیا۔
سنیچر کو سری لنکا کے شہر کولمبو میں کھیلے گئے میچ میں بنگلہ دیش نے سری لنکا کے خلاف ٹاس جیت کر فیلڈنگ کا فیصلہ کیا، اور سری لنکا نے پہلے کھیلتے ہوئے 50 اوورز میں 9 وکٹوں کے نقصان پر257 رنز بنائے۔جواب میں بنگلا دیش کی پوری ٹیم 258 رنز کے تعاقب میں 48.1 اوورز میں 236 رنز بنا کر آؤٹ ہو گئی۔سری لنکا کے سمارا وکرما نے 72 گیندوں پر آٹھ چوکوں اور دو چھکوں کی مدد سے ٹیم میں سب سے زیادہ 93 رنز بنائے جس کے بعد وہ تسکین احمد کی گیند پر کیچ آؤٹ ہوئے۔ان کے علاوہ زیادہ رن بنانے والے بیٹر کوسل مینڈس تھے جنہوں نے 73 گیندوں پر چھچوکوں اور ایک چھکے کی مدد سے نصف سنچری مکمل کی اور شریف الاسلام کی گیند پر کیچ آؤٹ ہو گئے۔بنگلہ دیش کے بولروں حسن محمود اور تسکین احمد نے 3،3 وکٹیں حاصل کیں، جبکہ شریف الاسلام نے دو کھلاڑیوں کو آؤٹ کیا۔بنگلہ دیش کی اننگز میں سب سے زیادہ رنز بنانے والے کھلاڑی توحید ہریدائی تھے جنہوں نےسات چوکوں اور ایک چھکے کی مدد سے 82 رنز بنائے، جس کے بعد تھیکشانا کا شکار بن گئے۔سری لنکن بولروں داسن شناکا، پتھیرانا اور مہیش تھیکشانا نے 3،3 وکٹیں حاصل کیں، جبکہ ایک کھلاڑی کو دونتھ نے آؤٹ کیا۔اس جیت کے بعد سری لنکا کے پاس دو پوائنٹس ہیں، جبکہ بنگلہ دیش کو مسلسل دوسری مرتبہ شکست کا سامنا کرنا پڑا۔