’قتل کی دل دہلا دینے والی کہانی،‘ سدھو موسے والا کی زندگی پر فلم یا سیریز؟

image
انڈین فلمساز سری رام راگھون کے پروڈکشن ہاؤس نے گذشتہ برس پنجاب میں قتل ہونے والے گلوکار سدھو موسے والا کی زندگی پر لکھی جانے والی کتاب کے حقوق حاصل کر لیے ہیں۔

انڈین ایکسپریس کے مطابق پروڈکشن ہاؤس کی جانب سے کتاب ’ہو کِلڈ سدھو موسے والا‘ (سدھو موسے والا کو کس نے قتل کیا) پر فلم یا سیریز بنانے کی تیاری کی جارہی ہے۔

سری رام راگھون کے پروڈکشن ہاؤس کا کہنا ہے کہ یہ کتاب ’پنجابی میوزک انڈسٹری کے پُراسرار پہلوؤں، قتل کی دل دہلا دینے والی کہانی، شہرت اور المیے کی کہانی ہے۔‘

کتاب کے لکھاری جُپندرجیت سنگھ کا اس حوالے سے کہنا تھا کہ اُن کی کتاب کے حقوق حاصل کرنے کے لیے متعدد پروڈکشن ہاؤسز نے اُن سے رابطہ کیا لیکن وہ سری رام راگھون کے ماضی کے کام سے بہت ’متاثر‘ ہیں۔

سری رام راگھون کے پروڈکشن ہاؤس میچ باکس شوٹس حال ہی میں اندھادھن اور مونیکا مائی ڈارلنگ جیسی فلمیں اور سکوپ جیسی مشہور سیریز بنائی ہے۔

تاہم اب تک پروڈکشن ہاؤس کی جانب سے یہ واضح نہیں کیا گیا کہ اس کتاب پر فلم بنائی جائے گی یا سیریز۔

MATCHBOX SHOTS ACQUIRES RIGHTS TO ‘WHO KILLED MOOSEWALA?’… #SriramRaghavan-mentored #MatchboxShots - the production house behind #Andhadhun, #MonicaOMyDarling and #Scoop [series] - has acquired rights to the gripping book #WhoKilledMoosewala?, authored by crime journalist… pic.twitter.com/SYJ0pwRQGO

— taran adarsh (@taran_adarsh) November 1, 2023

خیال رہے کانگریس کے رکن گلوکار سدھو موسے والا کو 29 مئی 2022 میں انڈین پنجاب کے ضلع مانسہ میں فائرنگ کر کے قتل کیا گیا تھا اور وہ موقعے پر ہی دم توڑ گئے تھے۔

انڈین اداروں کی تفتیش کے دوران یہ بات سامنے آئی تھی کہ سدھو موسے والے کے قتل کا ماسٹر مائنڈ بدنام زمانہ گینگسٹر لارنس بشنوئی تھا جبکہ کینیڈا میں مقیم اس کا قریبی ساتھی گولڈی برار بھی اس کیس میں زیر تفتیش رہا ہے۔


News Source   News Source Text

آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Get Alerts