انڈیا کے شہر ممبئی میں ایک تقریب کے دوران جب بالی وُڈ اور دُنیا بھر کے ستارے جمع ہوئے تھے تو رنویر سنگھ نے امریکی ماڈل سے سوشل میڈیا پر وائرل ٹرینڈ ’سو بیوٹی فل، جسٹ لُکنگ لائک آ واؤ‘ پر اداکاری کروائی۔
انڈین میڈیا کے مطابق ممبئی میں ’جیو ورلڈ پلازہ‘ کی افتتاحی تقریب میں رنویر سنگھ، دیپیکا پڈوکون، عالیہ بھٹ، کرن جوہر، کترینہ کیف اور دیگر شوبز شخصیات نے شرکت کی۔معروف امریکی ماڈل ایشلے گراہم بھی ساڑھی زیبِ تن کیے اس تقریب میں شریک تھیں اور محفل کی جان بنی ہوئی تھیں۔ایشلے گراہم نے اس تقریب کی ویڈیو بھی اپنے انسٹاگرام اکاؤنٹ سے شیئر کی ہے جس میں وہ وائرل سوشل میڈیا ٹرینڈ ’سو بیوٹی فل، جسٹ لُکنگ لائک آ واؤ‘ پر لب ہلاتیں اور اداکاری کرتی ہوئی نظر آ رہی ہیں۔انہوں نے اپنی ویڈیو کے ساتھ لکھا کہ ’رنویر سنگھ نے مجھے ایسا کرنے کو کہا تھا۔‘ View this post on Instagram A post shared by A S H L E Y G R A H A M (@ashleygraham)سوشل میڈیا پر دیپیکا پڈوکون، اتھیا شیٹی، نِک جونس اور کے ایل راہُل سمیت متعدد اداکار اور کرکٹرز سوشل میڈیا ٹرینڈ ’ جسٹ لُکنگ لائک آ واؤ‘ پر ویڈیوز بنا چکے ہیں۔حال ہی میں امریکی اداکار اور گلوکار نِک جونس کی جانب سے بھی ایک ایسی ہی ویڈیو پوسٹ کی گئی تھی جس میں وہ اپنی اہلیہ پرینکا چوپڑا کو دیکھ کر کہہ رہے تھے کہ ’ جسٹ لُکنگ لائک آ واؤ۔‘