پاکستان کرکٹ بوڑد نے بلے باز شان مسعود کو ٹیسٹ جب کہ فاسٹ بولر شاہین شاہ آفرید کو ٹی20 ٹیم کا کپتان مقرر کر دیا ہے۔
پاکستان کرکٹ بورڈ نے ایکس (ٹوئٹر) پر جاری بیان میں کہا ہے کہ شان مسعود کو ٹیسٹ میں قومی ٹیم کا کپتان مقرر کر دیا گیا ہے جب کہ شاہین شاہ آفرید ٹی20 میں پاکستان کی قیادت کریں گے۔بورڈ نے ون ڈے مارمیٹ میں قومی ٹیم کے کپتان کے حوالے سے کوئی اعلان نہیں کیا ہے۔قبل ازیں بابر اعظم نے ٹیم کی کپتانی سے مستعفی ہونے کا اعلان کیا تھا۔ ایکس پر جاری اپنے بیان میں بابراعظم نے کہا تھا کہ انہوں نے تینوں فارمیٹ کی کپتانی سے مستعفی ہونے کا فیصلہ کیا ہے۔ بابر اعظم نے کہا کہ ’یہ ایک مشکل فیصلہ ہے لیکن مجھے لگ رہا ہے کہ یہ اس فیصلے کے لیے صحیح وقت ہے۔‘بابر اعظم نے لکھا کہ ’وائٹ بال فارمیٹ میں نمبر ون ٹیم بننا پوری ٹیم، کوچز اور مینیجمنٹ کی مجموعی کوشش تھی۔‘انہوں نے مزید لکھا کہ ’پچھلے چار برسوں میں میں نے اُتار چڑھاؤ محسوس کیے لیکن میں نے پورے دل سے اور جنون سے پاکستان کی عزت اور فخر کو کرکٹ کی دنیا میں بحال رکھنے کی کوشش کی۔‘بابر اعظم نے کہا کہ ’میں بحیثیت کھلاڑی تیوں فارمیٹس میں پاکستانی ٹیم کی نمائندگی کرتا رہوں گا۔ میں نئے کپتان اور ٹیم کو اپنے تجربات کی روشنی میں سپورٹ کرتا رہوں گا۔‘