ریموٹ کنٹرول طیاروں اور ڈرونز کی وجہ سے اب اندر بیٹھے بغیر جہاز یا ہیلی کاپٹرز کو کنٹرول کرنا اب حقیقت بن چکا ہے تاہم کبھی آپ پنے مینول ہیلی کاپٹر کو زمین پر کھڑے کھڑے گھومتا ہوا نہیں دیکھا ہوگا، اس لئے ہم آپ کو زمین پر گھومتا ہوا ہیلی کاپٹر دکھاتے ہیں۔
ایکس پر وائرل ویڈیو میں دیکھا جاسکتا ہے کہ زمین پر کھڑا ہیلی کاپٹر بغیر پائلٹ کے گھومنا شروع ہوگیا۔یہ واقعہ امریکی ریاست پانامہ میں پیش آیا جہاں زمین پر کھڑا پہلی کاپٹر بغیر پائلٹ کے گھومنے لگا، واقعہ کی ویڈیو سوشل میڈیا پر وائرل ہوگئی ہے۔
یہ واقعہ اس وقت پیش آیا جب پائلٹ ہیلی کاپٹر کے دروازے کے قریب کھڑا تھا اور ایک خاتون ہیلی کاپٹر سے جیسے ہی باہر آئیں تو ہیلی کاپٹر اچانک خود بخود گھومنا شروع ہوگیا۔خاتون ہیلی کاپٹر سے بچ کر اپنی جان بچانے میں کامیاب ہوگئیں اورفوری طور پر دوڑ لگاکر بھاگ گئیں۔
پائلٹ نے ہیلی کاپٹر کو ہاتھوں سے روکنے کی کوشش کی لیکن ناکام رہا پھر اپنی جان خطرے میں ڈال کر کسی طرح ہیلی کاپٹر کے اندر جانے کی کوشش کی اور ہیلی کاپٹر کو بند کیا۔ویڈیو سوشل میڈیا پر وائرل ہونے کے بعد صارفین نے دلچسپ کمنٹس کئے ہیں۔
یہ واقعہ حقیقت میں انتہائی خوفناک تھا کیونکہ اس ہیلی کاپٹر کا کنٹرول اندر ہی تھا اور اگر پائلٹ اپنی جان پر کھیل کر کنٹرول نہ سنبھالتا تو بڑا نقصان بھی ہوسکتا تھا۔