اسلام آباد۔29دسمبر (اے پی پی):ائیر یونیورسٹی اسلام آباد کے طلبہ پر مشتمل 84 رکنی وفد نے پارلیمنٹ ہائوس کا دورہ کیا۔وفد کو سینیٹ میوزیم کا دورہ کرایا گیا جہاں پر انہیں ایوان بالا کی تاریخ پر مبنی ڈاکومنٹری بھی دکھائی گئی۔جمعہ کو سینیٹ سیکرٹریٹ سے جاری بیان کے مطابق سینیٹ حکام نے وفد کو ایوان بالا کے کام کے طریقہ کار، قانون سازی ، فکشنز اور سینیٹ اجلاس کی کارروائی سے متعلق بریفنگ دی۔ وفد نے سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں دلچسپی کا اظہار کیا۔