وفاقی وزیر اوورسیز پاکستانیز چوہدری سالک نے ایران میں تعینات پاکستانی سفیر مدثر ٹیپو سے ٹیلیفونک رابطہ کیا۔ سفیر مدثر ٹیپو نے ایران میں موجود پاکستانیوں کی باحفاظت وطن واپسی کے حوالے سے وفاقی وزیر کو آگاہ کیا۔
پاکستانی سفیر نے بتایا ہے کہ ایران میں پاکستانی سفارتخانہ پاکستانیوں کو ہر ممکن سہولت فراہم کرنے کے لیے کام کر رہا ہے۔
وفاقی وزیر نے کہا ہے کہ ایران میں موجود پاکستانی زائرین اور پاکستانی طلباء کی باحفاظت وطن واپسی کو یقینی بنانے کا عمل تیز کیا جائے۔