اسلام آباد۔29دسمبر (اے پی پی):بینک دولت پاکستان، کمرشل بینک اور مالیاتی ادارے پیر یکم جنوری 2024 کو ”بینک تعطیل” کے موقع پر عوام سے لین دین کے لیے بند رہیں گے۔
سٹیٹ بینک کی جانب سے جمعہ کوجاری اعلامیہ کے مطابق تمام بینک/ترقیاتی مالی ادارے/مائیکرو فنانس بینک مذکورہ تاریخ پر عوام سے لین دین کے لیے بند رہیں گے تاہم، بینکوں/ترقیاتی مالی اداروں/مائیکرو فنانس بینکوں کے تمام ملازمین حسب معمول دفتر میں حاضر ہوں گے۔