گھر کے کام میں ایسا بھی ممکن ہے کیونکہ ۔۔ صفائی کے دوران خاتون کو گھر میں کونسا خزانہ مل گیا؟

گھر کی صفائی کے دوران اکثر خواتین کو گمشدہ چیزیں اور کئی بار تو پیسے بھی مل جاتے ہیں جس سے کام کی ساری تھکن دور ہوجاتی ہے لیکن کیا آپ نے سوچا ہے کہ کام کرتے ہوئے اچانک آپ کی لاٹری لگ جائے اگر نہیں تو ہم آپ کو بتاتے ہیں کہ کیسے گھر کی صفائی کے دوران خاتون کے ہاتھ خزانہ لگ گیا۔

گھروں کی صفائی ستھرائی معمول کی بات ہے لیکن ایک خاتون کی تو اپنے گھر کی صفائی کرتے ہوئے قسمت ہی چمک اٹھی اور ایک طرح سے خزانہ ہاتھ آگیا۔

جرمنی میں ایک خاتون اپنے گھر کی صفائی کر رہی تھیں کہ انہیں تین سال پرانا لاٹری کا ٹکٹ ملا جو وہ گھر میں ہی کہیں رکھ کر بھول چکی تھیں۔اس ٹکٹ پر خاتون کو ایک لاکھ 10 ہزار ڈالرز یعنی اگر پاکستانی روپے میں لگ بھگ پونے چار کروڑ روپے کا انعام نکلا ہوا تھا۔

خاتون یہ ٹکٹ کہیں رکھ کر بھول چکی تھیں لیکن گھر کی صفائی کے دوران خاتون کی قسمت ایسی چمکی کہ دیکھتے ہی دیکھتے وہ کروڑ پتی بن گئیں۔خوش نصیب خاتون کا کہنا تھا کہ انہیں ایسا محسوس ہوتا ہے کہ انہیں کھویا ہوا خزانہ دوبارہ دریافت ہوا ہے۔

یاد رہے کہ دنیا کے کئی ممالک میں لوگ اکثر قسمت آزمانے کیلئے لاٹری لینا پسند کرتے ہیں اور کئی بار قسمت ایسے کھلتی ہے کہ انسان دیکھتے ہی دیکھتے کروڑ پتی بن جاتا ہے۔