معروف پاکستانی اداکارہ بینا چوہدری کو اچانک جان سے مارنے کی دھمکیاں ملنے لگیں جس حوالے سے انہوں نے ویڈیو میں مداحوں کا آگاہ کیا۔
حال ہی میں اپنے سوشل میڈیا اکاؤنٹ انسٹاگرام پر جاری کردہ ویڈیو میں اداکارہ بینا چوہدری نے بتایا کہ انھیں گزشتہ کئی روز سے قتل کی دھمکیاں مل رہی ہیں۔
جاری کردہ ویڈیو میں اداکارہ نے بتایا کہ مجھے دھمکیوں کی صورت یہ کہا گیا کہ اگر میں نے اپنی زبان بند نہ رکھی تو مجھے مار دیا جائے گا۔
ویڈیو بیان میں بینا چوہدری کا مزید یہ کہنا تھا کہ میرے ساتھ کسی بھی وقت کوئی بھی حادثہ پیش آسکتا ہے، اگر کل کو میں اس دنیا میں نہ رہوں یا پھر میرے ساتھ کوئی حادثہ رونما ہو جائے تو اس کے ذمہ دار لوگوں کی ویڈیو میں نے ریکارڈ کرکے رکھ لی ہے جو کہ سوشل میڈیا پر اپ لوڈ کردی جائے گی۔