عمان ۔11جنوری (اے پی پی):اردن کے ولی عہد حسین بن عبداللہ الثانی اپنی اہلیہ شہزادی رجوہ الحسین آج( جمعرات کو ) اپنے پہلےغیرملکی 2 روزہ سرکاری دورے پر سنگاپور جائیں گے۔
اردو نیوز کے مطابق دورہ کے دوران وہ سنگاپور کے صدر ، وزیر اعظم اور دیگر اعلی حکام اور کاروباری رہنماوں سے ملاقات کریں گے۔اردن کے ولی عہد انسٹی ٹیوٹ آف ٹیکنیکل ایجوکیشن اور لی کوان یو سکول آف پبلک پالیسی کا بھی دورہ کریں گے، اس کے علاوہ انسانی سرمائے کی ترقی میں تعاون پر تبادلہ خیال بھی کیا جائے گا۔