دبئی۔13جنوری (اے پی پی):متحدہ عرب امارات میں دبئی محکمہ شماریات نے کہا ہے کہ ’2023 کے دوران دبئی میں 3520 نئی عمارتیں تعمیر کی گئی ہیں۔
الامارات الیوم کے مطابق محکمہ شماریات نے کی جانب سے جاری رپورٹ میں کہا گیا ہے کہ 2023 کے دوران دبئی میں تعمیر کی جانے والی نئی عمارتوں کی تعداد گزشتہ تین برسوں کے مقابلے میں زیادہ ہے جبکہ 2022 میں 1941، 2021 میں 2237 اور 2020 میں 3227 عمارتیں تعمیر کی گئی تھیں۔اعدادوشمار سے ظاہر ہوتا ہے کہ سب سے زیادہ عمارتیں گزشتہ سال دسمبر میں تعمیر کی گئی ہیں۔ دسمبر میں 504، نومبر میں 299، اکتوبر میں 236 اور ستمبر میں 207 نئی عمارتیں تعمیر کی گئیں۔