کھٹمنڈو ۔13جنوری (اے پی پی):نیپال کے ضلع ڈانگ میں ایک بس دریا میں گرنےسے 12افراد کی موت ہوگئی ہے۔
چینی خبررساں ادارے کے مطابق ڈانگ کے چیف ڈسٹرکٹ آفیسر رام بندھو سبیدی نے میڈیا کو بتایا کہ گزشتہ رات مقامی وقت کےمطابق 10:30 بجے کے قریب کھٹمنڈو جانے والی ایک مسافر بس تیز رفتاری کے باعث پل کی ریلنگ سے ٹکرا کر دریائے راپتی میں جا گری جس کے نتیجے میں 12افراد ہلاک اور 22زخمی ہوگئے ہیں ۔انہوں نے بتایا کہ امدادی کارکنوں نے 4گھنٹوں کی کوشش سے ہلاک اور زخمیوں کو دریا سے نکال کر قریبی ہسپتال منتقل کر دیا ہے۔انہوں نے مزید بتایا کہ مقامی پولیس جائے حادثہ پر موجود ہے اور حادثے کی وجوہات کے بارے میں تحقیقات کر رہی ہے۔