ریاض۔1فروری (اے پی پی):سعودی ولی عہد شہزادہ محمد بن سلمان سے برطانوی وزیر خارجہ ڈیوڈ کیمرون نے ملاقات کی ہے۔سرکاری خبررساں ادارے ایس پی اے کے مطابق ریاض میں ہونے والی ملاقات میں دونوں رہنماوں نے دوطرفہ تعلقات سمیت مشترکہ تعاون کے شعبوں اور انہیں جدید خطوط پر استوار اور مستحکم بنانے کے طریقوں کا جائزہ لیا
علاوہ ازیں علاقائی حالات اور اس حوالے سے امن و استحکام کے لئے کی جانے والی کوششوں پر تبادلہ خیال کیا گیا۔اس موقع پر برطانیہ میں سعودی سفیر شہزادہ خالد بن بندر، وزیر خارجہ شہزادہ فیصل بن فرحان، وزیر مملکت و رکن کابینہ و مشیر قومی سلامتی ڈاکٹر مساعد العیبان بھی موجود تھے۔