ریاض۔1فروری (اے پی پی):سعودی وزیر صحت فہد الجلاجل نے کہا ہے کہ شعبہ صحت کے نئے پروگرام کا پہلا مرحلہ کامیابی کے ساتھ مکمل ہو گیا ہے ،ٹریفک حادثات سے اموات کی تعداد میں 50 فیصد کمی اور اوسط عمر77 برس تک پہنچ گئی ہے۔ اخبار 24 کے مطابق سعودی وزیرصحت ی جانب سے جاری بیاں میں کہا گیا ہے کہ مملکت میں صحت نگہداشت کا پروگرام موثر انداز میں آگے بڑھ رہا ہے۔
بنیادی ڈھانچہ بہتر ہوا ہے۔ صحت کے حوالے سے نئے ضوابط متعارف کرائے گئے ہیں۔ آگہی مہم نتیجہ خیز ثابت ہوئی ہے۔فہد الجلاجل نے کہا کہ معاملہ صرف شاہراہوں پر انسانی جانوں کی سلامتی تک ہی محدود نہیں بلکہ مقامی شہریوں کی عمر میں اضافہ بھی ہوا ہے۔ انہوں نے کہا کہ اب سعودی شہری ساتویں عشرے کے آخر تک جینے لگے ہیں جبکہ ہمارا ہدف 2030 تک اوسط عمر 80 سال تک پہنچانے کا ہے۔