ماسکو ۔2فروری (اے پی پی):روس کے ایوان صدر (کریملن )کے ترجمان دیمتر پیسکوف نے کہا ہے کہ نیٹو کی فوجی مشقیں ان کے ملک کے لئے خطرہ ہیں۔تاس کے مطابق نیٹو کی متوقع ’’سٹڈفاسٹ 2024‘‘ نامی مشقوں کے بارے میں انہوں نے کہا ہے کہ نیٹوہمارے خلاف اپنا کردار جاری رکھے ہوئے ہے،
ہم ا س کا جائزہ لیتے ہوئے ضروری حفاظتی اقدامات کر رہے ہیں۔ انہوں نے کہا ہے کہ مذکورہ اتحاد سالوں سے اپنا انفراسٹرکچر روسی سرحدوں کی طرف پھیلا رہا ہے۔