سانتیاگو۔6فروری (اے پی پی): میں جنگلات میں لگنے والی آگ سے اموات کی تعداد بڑھ کر 123 ہو گئی ہے۔
اے ایف پی کے مطابق چلی کے ساحلی علاقے والپاریسو کے جنگلات میں جمعہ سے لگنے والی آگ کے باعث پیر تک اموات بڑھ کر 123 ہو گئیں جبکہ امدادی کارکنوں کی طرف سے لاپتہ افراد کی تلاش کا کام جاری ہے۔ وینا ڈیل مار کے ریزورٹ قصبہ آگ سے سب سے زیادہ متاثرہ علاقوں میں سے ایک ہے جبکہ آگ نے گھروں اور کاروں کو اپنی لپیٹ میں لے لیا۔وزارت داخلہ کے انڈر سیکرٹری مینوئل مونسالوے کے مطابق آگ کے باعث تقریباً 15 ہزار گھروں کو نقصان پہنچا ہے۔