آسٹریلیا کی ایک بیری کمپنی نے 20.4 گرام وزنی بلیو بیری اُگا کر گینیز ورلڈبک میں اپنا ریکارڈ درج کروا دیا۔
گینیز ورلڈ ریکارڈز کے ایک اہلکار نے آسٹریلیوی ریاست کے ایک گاؤں کورِینڈی میں موجود ایک کمپنی کوسٹا بیریز کی اُگائی گئی بلیو بیری کا معائنہ کیا جہاں انہوں نے دنیا کے سب سے وزنی بلیو بیری ہونے کی تصدیق کی۔
بلیو بیری اگانے والی ٹیم کے سربراہ بریڈ ہاکنگ کا کہنا تھا کہ اس بلیو بیری کو گزشتہ سال نومبر میں چنا گیا تھا اور کمپنی کا گینیز ورلڈر ریکارڈز کے ساتھ رابطہ ہونے تک کے لیے اس کو جما دیا گیا تھا۔
بریڈ ہاکنگ کا کہنا تھا کہ ان کی ٹیم نے یہ فیصلہ نہیں کیا ہے کہ اس ریکارڈ ساز بیری کا کیا کرنا ہے۔ ٹیم ممبران اس کو اکثر دیکھتے ہیں اور مسکراتے ہیں۔