لاہور۔22مئی (اے پی پی):لاہور ہائیکورٹ نے گندم بحران پر جوڈیشل انکوائری کروانے کے لیے متفرق درخواست پر صوبائی حکومت کو نوٹس جاری کرتے ہوئے جواب طلب کرلیا۔ جسٹس شاہد کریم نے ایڈوکیٹ اظہر صدیق کی درخواست پر سماعت کی۔
درخواست میں موقف اختیار کیا گیا کہ ڈی جی نیب اور چیرمین نیب کو فریق بنانے کی اجازت دی جائے۔ نگران حکومت نے گندم موجود ہونے کے باوجود اسے در آمد کیا۔ ایڈوکیٹ اظہر صدیق نے استدعا کی کہ گندم در آمد کرانے کی جوڈیشل انکوائری کرائی جائے۔ عدالت نے دلائل سننے کے بعد گندم بحران پر جوڈیشل انکوائری کے لیے صوبائی حکومت کو نوٹس جاری کرتے ہوئے جواب طلب کرلیا۔