اسلام آباد۔8جون (اے پی پی):چیئرمین سی ڈی اے محمد علی رندھاوانےفیصل مسجد کا دورہ کیا۔دورے کے موقع پر سی ڈی اے کے دیگر افسران بھی انکے ہمراہ تھے۔ہفتہ کو سی ڈی اے کی جانب سے جاری بیان کے مطابق دورے کے موقع پر چیئرمین سی ڈی اے نے کہا کہ صفائی ستھرائی کے نظام کو مزید بہتر کیا جائے،جہاں رنگ و روغن درکار ہے وہاں رنگ و روغن کیا جائے۔
محمد علی رندھاوا نے کہا کہ مسجد کے تمام مرمتی کاموں کو جلد از جلد مکمل کیا جائے، مسجد کے اطراف اپ لفٹ سمیت ٹوٹی ہوئی ٹائلز کا کام فوری مکمل کیا جائے، مسجد کے تزئین و آرائش کے کاموں کو بھی جلد از جلد مکمل کیا جائے،مسجد میں آنے والے نمازیوں کو ہرممکن سہولیات فراہم کی جائیں۔انہوں نے کہا کہ فیصل مسجد نہ صرف اسلام آباد بلکہ ملکی سطح پر اہمیت کی حامل ہے لہٰذا اسکی تزین و آرائش کی جائے۔ چیئر مین سی ڈی اے کی ہدایت پر مسجد میں نصب بند فواروں کو مرمت کر کے آپریشنل کر دیا گیا۔