اسلام آباد۔13جون (اے پی پی):چیئرمین سی ڈ ی اے محمد علی رندھاوا کی زیر صدارت اسلام آباد میں ڈیجیٹل تشہیرکے حوالے سے اجلاس منعقد ہوا۔ اجلاس میں ایڈمنسٹریٹر ایم سی آئی اور دیگر افسران نے شرکت کی ۔ڈیجیٹل تشہیرکو متعارف کروانے کا مقصد شہر کی خوبصورتی میں اضافہ کرناہے، ڈیجیٹل تشہیر کےلیے ڈیجیٹل سکرین، سائن ایج، بل بورڈ، ایل ای ڈی سکرین اور موپیز لگائے جائیں گے، ڈیجیٹل تشہیر کی پلاننگ کر تے وقت شہر کے قدرتی حسن کو برقرار رکھا جائے گا۔
چیئرمین سی ڈی اےمحمد علی رندھاوا نے کہا کہ اسلام آباد میں پہلی مرتبہ ڈی3 ایڈورٹائزمنٹ شروع کی جا رہی ہے،ڈیجیٹل تشہیر کے تمام پہلوئوں کا جائزہ لینے کے لے ٹیکنیکل کمیٹی قائم کر دی گئی ہے۔ انہوں نے متعلقہ افسران کو ہدایت کرتے ہوئے کہا کہ ڈیجیٹل تشہیر پر آنے والی لاگت اور اس سے حاصل ہونے والے ریونیو کا تقابلی جائزہ لیا جائے، منصوبے کی کامیابی کیلئے اس شعبے کے ماہرین سے آراء لی جائے۔