انٹرنیشنل کرکٹ کونسل (آئی سی سی) ٹی 20 ورلڈ کپ کے میچ میں نمیبیا نے انگلینڈ کے خلاف ٹاس جیت کر فیلڈنگ کرنے کا فیصلہ کیا۔
آئی سی سی کے زیر اہتمام امریکہ اور ویسٹ انڈیز کی میزبانی میں ہونے والے ٹی 20 ورلڈ کپ کے 34 ویں میچ میں نمیبیا نے ٹاس جیت کر انگلینڈ کو بیٹنگ کرنے کی دعوت دی۔ دونوں ٹیمیں سر ویون رچرڈ کرکٹ اسٹیڈیم میں مدمقابل ہیں۔
بارش ہونے کی وجہ سے ٹاس تاخیر کا شکار ہوا جس کے باعث میچ کی دونوں اننگز کو 11، 11 اوورز تک محدود کر دیا گیا ہے۔ دوبارہ بارش شروع نہ ہوئی اور انگلینڈ نے نمیبیا کو شکست دے دی تو وہ سپر ایٹ مرحلے کے لیے کوالیفائی کر جائے گا۔
یہ بھی پڑھیں: مجھے پاکستان کا ورلڈ کپ سے باہر ہونے کا بہت دکھ ہے، عماد وسیم
انگلش اسکواڈ
انگلش ٹیم کی قیادت جوش بٹلر کر رہے ہیں جبکہ فلپ سالٹ، ہیری بروک، جونی بیرسٹو، معین علی، لیام لیونگسٹون، سیم کرن، جوفرا آرچر، عادل رشید، کرس جورڈن اور ریس ٹوپلی ٹیم کا حصہ ہیں۔
نمیبیا کا اسکواڈ
نمیبیا کی ٹیم کی کپتانی کے فرائض گرہارڈ ایراسمس سرانجام دے رہے ہیں دیگر کھلاڑیوں میں مائیکل وان لنگن، نکولس ڈیون، جین فری لنک، جے سمت، ڈیوڈ ویسے، زین گرین، روبن ٹرمپل مین، جین پیئر کوٹزے، جیک براسلیس اور جے پی کولٹز شامل ہیں۔