سابق وفاقی وزیر فواد چوہدری کے کچھ عرصہ قبل پیشی پر پولیس سے بھاگنے پر تحریکِ انصاف کے رہنما شیر افضل مروت کا دلچسپ بیان سامنے آ گیا ہے۔
میڈیا سے گفتگو کرتے ہوئے شیر افضل مروت نے کہا کہ فواد چوہدری اس روز پولیس کو دیکھ کر ایسے بھاگ رہے تھے جیسے ہتھنی بھاگ رہی ہو۔ فواد چوہدری کا حق نہیں بنتا کہ پی ٹی آئی کی موجودہ قیادت پر تنقید کریں۔
پی ٹی آئی میں فارورڈ نہیں ، صرف عمران خان کا بلاک ہے ، مخصوص نشستیں ہمیں ملیں گی ، بیرسٹر گوہر
انہوں نے مزید کہا کہ فواد چوہدری کے اس بھاگنے کے عمل نے پوری پی ٹی آئی کا سر شرم سے جھکا دیا تھا۔
شیر افضل مروت نے کہا کہ پی ٹی آئی کی قیادت کتنی ہی فیل ہو، لیکن کم از کم کڑے وقت میں بانی پی ٹی آئی کے ساتھ کھڑی رہی ، فواد چوہدری کی طرح بھاگی نہیں۔