امریکہ میں صدارتی انتخابات سے 107 دن پہلےامریکی صدر جو بائیڈن 2024ء کی صدارتی دوڑ سے دستبردار ہو گئے۔
امریکی میڈیا کا کہنا ہے کہ امریکی نائب صدر کملا ہیرس کو بائیڈن کی جگہ لینے کے لئے فیورٹ قرار دیا جارہا ہے. اس کے علاوہ ڈیموکریٹ پارٹی کی مشیل اوباما، سابق صدر ٹرمپ کو شکست دے سکتی ہیں.
مزید امیدواروں میں مشی گن کی گورنر گریچن وائٹمر، کیلیفورنیا کے گورنر گیون نیوزوم ،پنسلوانیا کے 51 سالہ گورنر شاپیرو، کینٹکی کے گورنر اینڈی بیشیر، الینوائے کے گورنر جے بی پرٹزکر اور سیکرٹری ٹرانسپورٹ پیٹ بٹگیگ شامل ہیں.
سی این این کا کہنا ہے کہ صدارتی دوڑ سے دستبرداری کا منصوبہ سنیچر کی رات شروع ہوگیا تھا جسے اتوار کو حتمی شکل دی گئی۔
مشیر نے بتایا کہ جو بائیڈن ڈیٹا کا مطالعہ کر رہے تھے اور انہیں یقین ہو گیا تھا کہ وہ ڈونلڈ ٹرمپ کو شکست دینے میں مشکل بنیں گے۔ جبکہ اس معاملے سے واقفیت رکھنے والے ایک اور شخص کا کہنا تھا کہ بائیڈن نے اپنے دو قریبی مشیروں سے ملاقات کی جنھوں نے بتایا لہ فتح کا راستہ ’بنیادی طور پر موجود نہیں‘ ہے