روس کی خوبصورت ترین خاتون بائیکر، ترکیہ میں موٹر سائیکل حادثے میں جاں بحق ہوگئیں۔
غیرملکی میڈیا کے مطابق، 38 سالہ روسی سوشل میڈیا انفلوئنسر اور بائیکر تتیانا اوزولینا ترکیہ میں تیز ترین موٹرسائیکل چلا رہی تھیں اور اطلاعات کے مطابق وہ ایک ٹرک سے ٹکرائیں۔
ابتدائی رپورٹ کے مطابق، موٹرسائیکل خاتون کے کنٹرول سے باہر ہوگئی تھی جس کی وجہ سے وہ ٹرک سے ٹکرائی، حادثے کے فوری بعد ایمرجنسی ٹیمیں موقع پر پہنچ گئی تھیں لیکن تب تک دیر ہو چکی تھی۔
مقامی میڈیا کا کہنا ہے کہ، خاتون بائیکر کو حادثے کی جگہ پر ہی مردہ قرار دے دیا گیا تھا۔ اور اب تحقیقاتی ادارے اس کیس کی مزید جانچ پڑتال کر رہے ہیں۔
روسی خاتون کا ایک 13 سالہ بیٹا بھی ہے جو اس وقت صدمے کی حالت میں ہے۔