عام طور پر پھٹے ہوئے نوٹ بینک میں تبدیل کروا لیے جاتے ہیں. البتہ چین میں پھٹے نوٹوں سے جڑا ایسا واقعہ سامنے آیا ہے جس نے لوگوں کو حیرت میں ڈال دیا ہے.
دراصل زینگ نام کی خاتون جون 2024 میں صوبہ یوننان کے صدر مقام کونمینگ کے مقامی بینک میں کرنسی نوٹوں کے چھوٹے چھوٹے ٹکڑے ٹکڑے لائی تھیں جنھیں ان کی ڈپریشن کی شکار بھابھی نے پھاڑ دیا تھا. البتہ اب زینگ کے بھائی کو پیسوں کی بہت ضرورت تھی اس لیے انھوں نے زینگ سے بینک سے مدد لینے کو کہا.
32 ہزار یوآن کی مالیت کے نوٹ جو اب ایک لاکھ ٹکڑوں میں تقسیم تھے، نوٹوں کی یہ حالت دیکھ کر بینک نے لینے سے انکار کردیا لیکن پھر زینگ کی کہانی سن کر انھوں نے کوشش کی.
بینک کی جانب سے 4 ملازمین نے 22 دن ان تھک محنت کے بعد ساری نوٹ جوڑ کر زینگ کو دے دیے.