گزشتہ روز بنگلہ دیش کی وزیر اعظم حسینہ واجد کے مستعفی ہونے کے بعد مشتعل مظاہرین نے سابق کپتان مشرفی مرتضیٰ کے گھر کو نظر آتش کردیا.
بنگلہ دیش کرکٹ ٹیم کے سابق کپتان مشرفی مرتضیٰ کھلنا ڈویژن سے رکن پارلیمنٹ ہیں۔
مشرف مرتضیٰ نے رواں برس کے شروع میں بنگلہ دیش میں ہونے والے عام انتخابات کے دوران عوامی لیگ کے امیدوار کے طور پر مسلسل دوسری بار یہ نشست جیتی تھی۔
مقامی میڈیا کا کہنا ہے کہ شیخ حسینہ واجد کے ملک سے فرار ہونے پر مشتعل مظاہرین نے مشرفی مرتضیٰ کے گھر میں توڑ پھوڑ کی اور اسے جلا ڈالا۔
واضح رہے کہ کرکٹ سے ریٹائرمنٹ کے بعد مشرفی مرتضیٰ نے حسینہ واجد کی زیر قیادت عوامی لیگ میں 2018 میں شمولیت اختیار کرلی تھی.