راولپنڈی کرکٹ اسٹیڈیم میں بنگلہ دیش کیخلاف کھیلا جانے والا ٹیسٹ میچ پاکستان کے ہاتھ سے نکل گیا ۔
پہلے ٹیسٹ میچ کا آج پانچواں اور آخری روز ہے ، پاکستان کی پوری ٹیم دوسری اننگ میں 146 رنز پر ڈھیر ہو گئی ، بنگلہ دیش کو جیت کیلئے صرف 30 رنز کا ہدف ملا ہے۔
گورنر سندھ کا میچ جیتنے پر پاکستانی ٹیم کیلئے ایک کروڑ روپے انعام کا اعلان
راولپنڈی ٹیسٹ میچ کے آخری روز پاکستان نے ایک وکٹ کے نقصان پر اننگز کا آغاز کیا ہی تھا کہ کپتان شان مسعود محض 5 رنز کا اضافہ کرنے کے بعد وکٹ گنوا بیٹھے۔
اس کے یکے بعد دیگرے بابراعظم 22، عبداللہ شفیق 37، شاہین شاہ آفریدی 2، نسیم شاہ 3، سعود شکیل، سلمان علی آغا اور محمدعلی صفر پر آؤٹ ہوگئے۔
بنگلہ دیش کی جانب سے مہدی حسن نے 4 اور شکیب الحسن نے تین وکٹیں حاصل کیں۔