کولمبیا کی حکومت کی جانب سے ملک میں ڈیزل کی قیمتوں میں 20 اضافے کا اعلان کردیا ہے، جس کے بعد ٹرک ڈرائیورز سڑکوں پر نکل آئے۔
غیر ملکی ذرائع ابلاغ کے مطابق کولمبیا میں دوسرے روز بھی ٹرک ڈرائیورز نے مرکزی شاہراہیں اور ہائی ویز بند کردیں، جس کے باعث شہری اذیت کا شکار رہے۔
مقامی میڈیا کے مطابق مرکزی سڑکیں بند ہونے سے شہری ٹریفک میں پھنس کر رہ گئے، سیکڑوں کاریں اور عوامی بسوں کی لمبی لمبی قطاریں لگ گئیں، مظاہرین کا کہنا ہے کہ ڈیزل کی قیمت میں اضافہ کسی صورت قبول نہیں کریں گے۔
دوسری جانب عالمی مارکیٹ میں تیل کی قیمت میں تقریباً 5 فیصد کمی آگئی ہے، جو گزشتہ 9 ماہ کے دوران سب سے کم ترین ہے۔
رپورٹ میں کہا گیا ہے کہ تیل کی عالمی قیمت میں کمی لیبیا کے حریف گروپوں کے درمیان مفاہمت میں پیش رفت کے باعث ہوئی جس کے بعد عالمی مارکیٹ میں قیمت 9 ماہ کی کم ترین سطح پر آگئی۔
برینٹ کروڈ کم ہوکر3.77ڈالر کم ہوکر73.75ڈٖالر فی بیرل جبکہ ڈبلیو ٹی آئی کروڈ2.94 ڈالرکم ہوکر70.61 ڈالرفی بیرل ہوگیا۔