ثانیہ مرزا اپنے سوشل میڈیا پر کافی متحرک ہیں، وہ آئے دن کوئی نہ کوئی پوسٹ شیئر کر کے مداحوں سے جڑی رہتی ہیں۔
گزشتہ روز انہوں نے اپنے انسٹاگرام پر بیٹے اذہان ملک کی سالگرہ کی تقریب کی کچھ یادگار تصاویر پوسٹ کیں۔
ان تصویروں میں ثانیہ مرزا کافی خوش گوار موڈ میں نظر آرہی ہیں، انہوں نے بیٹے کو گود میں اُٹھائے مختلف پوز بھی دیئے۔
بھارتی ٹینس اسٹار نے بیٹے کی سالگرہ کے لیے اسپیشل فٹبال تھیم کیک بنوایا جس پر کرسٹیانو رونالڈو کے ساتھ اذہان کا کارٹون بنا ہوا ہے، جسے وہ انتہائی خوشی سے دیکھ رہا ہے۔
ثانیہ مرزا نے تصویروں کے ساتھ کیپشن میں لکھا ہے کہ، "میرے بیٹے مجھے یقین نہیں آ رہا کہ آپ 6 سال کے ہو گئے۔"
ساتھ ہی بیٹے کو سالگرہ کی مبارک باد دیتے ہوئے ان کا کہنا تھا کہ، "میرے مسکرانے کی وجہ آپ ہو۔"
ثانیہ مرزا کی اس پوسٹ کو سوشل میڈیا صارفین بہت پسند کر رہے ہیں اور کچھ شعیب ملک کی جانب سے بیٹے کو سالگرہ کی مبارک باد نہ دینے پر ناخوش ہیں۔