بھارت کی ہٹ دھرمی کے باعث چیمپئنز ٹرافی 2025 کے شیڈول کے اعلان میں مزید تاخیر کا امکان ظاہر کیا جا رہا ہے۔
ذرائع کے مطابق چیمپئنز ٹرافی پر پاکستان اور بھارت کے درمیان تنازع حل نہ ہو سکا ، بھارت ٹیم پاکستان آنے سے انکاری ہے جبکہ پاکستان کرکٹ بورڈہائبرڈ ماڈل پر تسلیم نہ کرنے کے مؤقف پر قائم ہے۔
چیمپئنز ٹرافی پاکستان میں ہی کرائیں گے،چیئرمین پی سی بی
ذرائع کا کہنا ہے کہ دونوں ٹیموں کے درمیان تنازع برقرار رہنے کے باعث شیڈول کا اعلان اگلے 24 گھنٹے میں مشکل ہے۔ اسٹیک ہولڈرز نے لچک دکھائی تو شیڈول کا اعلان ایک دو روز میں ممکن ہوسکے گا۔
دوسری جانب اسٹیک ہولڈر شیڈول کے مطابق باہمی اتفاق کے ساتھ ایونٹ کے انعقاد کے حق میں ہیں۔ براڈ کاسٹرز نے پاک بھارت میچ نہ ہونے کی صورت میں قانونی چارہ جوئی کا عندیہ دیا ہے۔