پنجاب بھر میں اسموگ کی وجہ سے بند تفریحی گاہوں کو شہریوں کے لیے کھول دیا گیا، تمام پارک، چڑیا گھر، تفریح گاہیں رات 8 بجے تک کھلی رہیں گئیں۔
ڈی جی ماحولیات ڈاکٹرعمران حامد شیخ کی طرف سے جاری نوٹیفکیشن کے مطابق پارکس، چڑیا گھر، پلے گراونڈ، آوٹ ڈور سپورٹس کی اجازت ہوگی۔
تمام تفریحی مقامات کو آٹھ بجے تک کھلا رہنے کی اجازت ہوگی جبکہ ہر قسم کے فیسٹیول، نمائش کی بھی اجازت دے دی گئی ہے،تفریحی مقامات کو 22 نومبرسے کھولنے کی اجازت دی گئی ہے۔
انٹرنیٹ کی بندش کو کم کرنے کی کوشش کر رہے ہیں، وزیر آئی ٹی
لاہور، ملتان، فیصل آباد، گوجرانوالہ میں مارکیٹیں 8 بجے بند ہوں گی، فیصلے کا اطلاق دکانوں، شاپنگ مالز، مارکیٹس پر ہوگا۔
نوٹیفکیشن کے مطابق فارمیسز، تندور، ڈیپارٹمنٹل و گروسری اسٹورز سمیت بنیادی ضرورت کی اشیاء کی دکانیں کھلی رہیں گی جبکہ بیکریوں کو بھی رات 8 بجے کے بعد کام کرنے کی اجازت ہوگی۔