جیل سے نکلتے ہی دوبارہ گرفتار ہو جانے والے پاکستان تحریک انصاف شیخوپورہ کے 51 کارکنوں کو دوبارہ رہائی مل گئی۔
جن میں سابق وزیر قانون پنجاب اور رکن قومی اسمبلی چوہدری خرم شہزاد ورک ایڈوکیٹ کے تین کزن کاشف ورک طارق ورک اور اعظم ورک سمیت پی ٹی ائی کی مقامی تنظیموں کے عہدے داران بھی شامل ہیں۔
بلوچستان سے ریاست مخالف پروپیگنڈا کرنے والے 924 سوشل میڈیا اکاؤنٹس کی نشاندہی
پولیس نے انہیں پہلے 24 نومبر کے ہنگاموں جلوس اور ٹریفک میں رکاوٹ وغیرہ کے مقدمہ میں گرفتار کیا تھا جس کہ اگلے روز انہیں عدالت میں پیش کرنے پر جوڈیشل مجسٹریٹوں نے ان کی ضمانتوں کی درخواستیں منظور کرلی۔
مگر بروقت عدالتوں میں ضمانتی مچلکے پیش نہ ہونے پر انہیں پولیس نے جیل میں بھیج دیا تھا اگلے روز مچلکوں کے جمع ہونے پر ڈسٹرکٹ جیل سے رہا کیا گیا۔
عمران خان کی صحت اور جیل میں نہ ہونے سے متعلق خبریں بے بنیاد ہیں، بیرسٹر گوہر
پولیس نے انہیں دوبارہ گرفتار کیا ہے اور جیل سے گھروں تک نہیں پہنچنے دیا جس پر فاضل عدالت نے ان 28 کارکنوں کی ضمانت کی درخواستیں منظور کر لی۔