بینکوں میں حج درخواستوں کی وصولی کا آج آخری روز ، وزارت مذہبی امور نے حج درخواستوں کی وصولی بند کرنے کا اعلان کر دیا۔
ترجمان وزارت مذہبی امور کے مطابق آج تک موصول تمام درخواستیں ’پہلے آئیے پہلے پائیے‘ کے تحت منظور تصور ہوں گی۔ وزارت نے حج واجبات کی دوسری قسط 19 تا 27 دسمبر تک نامزد بینکوں میں جمع کرانے کا عندیہ دیا۔
10 دسمبر تک موصول ہونیوالی تمام حج درخواستیں کامیاب قرار
وزارت کا کہنا ہے کہ نئے اعلانات کیلئے موبائل ایپ ’ پاک حج‘ اپنے سمارٹ فون پر لازمی ڈاؤن لوڈ کر لیں، بینکوں کو موصولہ درخواستیں وزارت کے آن لائن پورٹل پر 17 دسمبر کو 9 بجے تک لازمی اپ لوڈ کرنے کی ہدایت کی گئی ہے۔