نور بخاری ایک سابق اداکارہ، ایک سیاستدان کی بیوی اور تین بچوں کی ماں ہیں۔ انہوں نے اب اپنی زندگی اسلام کے لیے وقف کر دی ہے اور اپنا طرزِ زندگی بہت بدل لیا ہے۔
حال ہی میں نور بخاری نے ایک فیملی فنکشن کی تصویر شیئر کی، جس میں وہ اپنے شوہر اور بچوں کے ہمراہ کھڑی ہیں۔ تصویر میں دیکھا جاسکتا ہے کہ نور نے پگڑی اسٹائل کا اسکارف پہنا ہوا ہے، اور لکھا ہے "ماشاء اللّٰہ، الحمد اللّٰہ، سبحان اللّٰہ"۔
نور جب یہ تصویر پوسٹ کی تو صارفین کو ان کے حجاب کا یہ اسٹائل ایک آنکھ نہ بھایا، اور انہوں نے سابقہ اداکارہ پر جم کے تنقید کی اور اسلام کا مذاق اڑانے پر خوب کھری کھوٹی سنائی۔ ان کا کہنا تھا کہ، یہ مناسب حجاب نہیں ہے اور اسلام میں کوئی اپنا اصول نہیں بنا سکتا۔
اس پر آخر نور بھی خاموش نہ رہ سکیں اور تنقید کرنے والوں کو جواب دے ڈالا۔ انہوں نے انسٹاگرام پر ایک اسٹوری شیئر کی جس میں لکھا؛
"حجاب کرنا یا سر ڈھکنا میرا ذاتی معاملہ ہے، یہ میں اپنے لیئے کرتی ہوں آپ لوگوں کیلیئے نہیں، اسلیئے اس پر کمنٹ کرنا بند کریں۔ اگر میری قبر کا حساب آپ نے دینا ہے تو بولیں ورنہ خاموش رہیں"۔