پاکستان کے لیجنڈری کرکٹر اور 1992 کے ورلڈ کپ جیتنے والی ٹیم کے ہیرو انضمام الحق کی فیملی ایک بار پھر خبروں کی زینت بن گئی ہے، لیکن اس بار وجہ میدانِ کرکٹ نہیں بلکہ ان کے بیٹے ابتسام الحق کا نکاح ہے۔
ابتسام الحق کے نکاح کی تقریب انتہائی سادگی کے ساتھ منعقد کی گئی، جس کی تصاویر سوشل میڈیا پر وائرل ہو رہی ہیں۔ یہ دلکش تصاویر 'دا آرٹسٹ فوٹوگرافی' کے انسٹاگرام پیج پر شیئر کی گئیں، جہاں ابتسام اور ان کی دلہن کو انضمام الحق کے ہمراہ سفید لباس میں شاندار انداز میں پوز دیتے دیکھا جا سکتا ہے۔
یاد رہے کہ مارچ 2022 میں انضمام کی بیٹی کی شادی بھی مداحوں کے دلوں میں گھر کر گئی تھی، اور اب ان کے بیٹے کا نکاح ایک اور خوشیوں بھرا لمحہ بن کر سامنے آیا ہے۔ سفید تھیم کے ساتھ تقریب میں نہایت خوبصورتی اور وقار کا اظہار کیا گیا۔ سوشل میڈیا کے مطابق ابتسام الحق کی دلہن کا نام اقرا عامر ہے۔
کرکٹ فینز اور مداح ان لمحات کو نہایت پسند کر رہے ہیں۔ سوشل میڈیا پر یہ تصاویر شیئر ہوتے ہی ہزاروں لائکس اور مبارکباد کے پیغامات کا سلسلہ شروع ہوگیا۔