تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا ہے کہ شہباز شریف میں ہمت نہیں کہ وہ قومی اسمبلی میں تقریر کریں۔
میڈیا سے گفتگو کرتے ہوئے عمر ایوب نے کہا کہ 8 فروری کو تحریک انصاف یوم سیاہ منائے گی ، صوابی میں احتجاج ہو گا۔ عمران خان پورے ملک کے لوگوں کے دلوں کی دھڑکن ہیں۔
مذاکرات کا مقصد حکومت کو ایکسپوز کرنا تھا ، عمران خان کو اب بھی آفرز آتی ہیں ، جنید اکبر
ان کا کہنا تھا کہ بانی پی ٹی آئی نے مذاکرات کا اختیار مجھے دیا ہوا تھا، حکومت کی جانب سے مذاکرات کے لیے فارم 47 کے نائب وزیرِ اعظم اسحاق ڈار تھے۔
انہوں نے کہا کہ اس حکومت کے ہاتھ میں تو یہ بھی نہیں کہ ہماری اڈیالہ جیل میں بانی پی ٹی آئی سے کھلے ماحول میں بات کروا سکے۔
پیکا ایکٹ اور 26 ویں ترمیم حکمرانوں کے گلے پڑیں گے ، بیرسٹر سیف
انہوں نے مزید کہا کہ کہ لاپتہ افراد بلوچستان سمیت پورے ملک میں بڑا ایشو ہے، حکومت نے ملک کو کھوکھلا کرکے رکھ دیا ہے، ملک کہاں جا رہا ہے، یہ لوگ عیاشیاں کر رہے ہیں، ایف بی آر 1010 نئی گاڑیاں لے رہا ہے۔