اسمارٹ واچز، فٹنس ٹریکرز اور دیگر ڈیوائسز سائبر سکیورٹی رسک قرار دے دی گئیں۔
نیشنل ٹیلی کام اینڈ انفارمیشن ٹیکنالوجی سکیورٹی بورڈ نے ایڈوائزری جاری کردی ہے، کابینہ ڈویژن نے حساس مقامات پر پہننے کے قابل ڈیوائسز کے استعمال پر پابندی کی سفارش کی ہے۔
جاری کی گئی سکیورٹی ایڈوائزری کے مطابق پہننے کے قابل اسمارٹ ڈیوائسزخفیہ معلومات افشا کرسکتی ہیں، ان ڈیوائسز کا استعمال سائبر حملوں کا باعث بن سکتاہے،پہننے کے قابل اسمارٹ ڈیوائسز ادارہ جاتی سکیورٹی کیلئے بھی خطرہ قرار دی گئی ہیں۔
دبئی میں فضائی ٹیکسی سروس کا آغاز 2026ء سے ہوگا
حساس مقامات پر ان ڈیوائسز کے استعمال سے قبل آڈٹ لازمی قرار دیا گیا ہے، ایڈوائزری میں کہا گیا ہے کہ حساس اجلاسوں، آپریشنز والے مقامات پر ان ڈیوائسز کے استعمال پر پابندی ہونی چاہیے۔
حساس مقامات پر ان ڈیوائسز کے جی پی ایس اور بلوٹوتھ کو غیر فعال کیا جائے، منظور شدہ ڈیوائسز کے ملٹی فیکٹر تصدیقی نظام پر عملدرآمد کو یقینی بنایا جائے۔