پاکستان کی معروف ڈرامہ اداکارہ مریم نفیس ان دنوں اپنی حمل کی خبروں کے باعث سوشل میڈیا پر زیر بحث ہیں، اور حالیہ انکشافات نے ان کی ذاتی زندگی کو مزید اجاگر کر دیا ہے۔
یہ انکشافات اس وقت سامنے آئے جب مریم نے اپنے پہلے بچے کی پیدائش کے لیے امریکا سفر کرتے ہوئے اپنے پاسپورٹ کی تصویر شیئر کی، جس کے بعد سوشل میڈیا پر انہیں تنقید کا سامنا کرنا پڑا۔ کچھ صارفین کا کہنا تھا کہ مریم اپنے بچے کے لیے امریکی شہریت حاصل کرنے کی خواہش رکھتی ہیں۔ ایک صارف نے تبصرہ کرتے ہوئے یہ بھی کہا کہ "مریم کے شوہر، امان احمد، پہلے ہی امریکی شہری ہیں"۔
اسی دوران، سوشل میڈیا پر یہ دعویٰ کیا گیا کہ امان احمد، جو کہ مریم نفیس کے شوہر ہیں، پاکستانی ڈرامہ انڈسٹری کی معروف اداکارہ بشرٰی انصاری کے داماد رہ چکے ہیں۔ امان احمد نے بشرٰی انصاری کی بیٹی، میرا انصاری سے 2000 میں شادی کی تھی اور ان کے دو بچے بھی ہیں۔ تاہم، ان کی شادی زیادہ عرصہ نہ چل سکی اور نومبر 2020 میں میرا نے نیویارک میں دوسری شادی کر لی۔
یہ بھی دلچسپ ہے کہ بشریٰ انصاری نے اپنی بیٹی کی پہلی شادی کے فیصلے پر افسوس کا اظہار کیا ہے لیکن ہمیشہ اپنے داماد اور میرا کے دوسرے شوہر کے بارے میں عزت و احترام کا مظاہرہ کیا ہے۔
امان احمد اور میرا انصاری کی طلاق کے بعد، امان احمد نے 2022 میں مریم نفیس سے شادی کی، اور اب یہ جوڑا اپنے پہلے بچے کی آمد کے لیے تیار ہے۔
یہ تمام انکشافات مریم نفیس کی ذاتی زندگی کو سوشل میڈیا پر مزید توجہ کا مرکز بنا چکے ہیں، اور مختلف تبصرے اور بحثیں جاری ہیں