فلسطینی تنظیم حماس نے غزہ جنگ بندی معاہدے کے تحت 4 یرغمالیوں کی لاشیں ریڈ کراس کے ذریعے اسرائیل کے حوالے کر دیں۔
اسرائیلی یرغمالیوں کی لاشیں خان یونس سے ریڈکراس کے حوالے کی گئیں ، یہ چاروں یرغمالی اسرائیل کی بمباری میں مارے گئے تھے۔
اسرائیل نے ریڈ کراس کو لاشوں کی حوالگی کی تصدیق کر دی ہے جبکہ حماس نے کہا ہے کہ ہم سے یرغمالیوں کو زندہ رکھنے کے لیے جو کچھ ہو سکا وہ کیا ہے۔
حماس کا اسرائیلی یرغمالیوں کی رہائی مؤخر کر نے کا اعلان
یرغمالیوں کی لاشوں کی حوالگی سے قبل سڑکوں پر ہجوم لگا رہا۔ دوسری جانب اسرائیل نے غزہ سے گرفتار کیے گئے 64 فلسطینیوں کے مقام سے متعلق معلومات جاری کر دیں۔
یاد رہے کہ حماس اور اسرائیل کے درمیان جنگ بندی معاہدے کے تحت دونوں جانب سے قیدیوں کی رہائی کا سلسلہ جاری ہے۔