چیمپئنز ٹرافی گروپ بی کے پہلے میچ میں جنوبی افریقا نے افغانستان کو شکست دیدی۔
کراچی میں کھیلے گئے میچ میں جنوبی افریقا نے جیت کیلئے 316رنز کا ہدف دیا جواب میں افغانستان کی پوری ٹیم 43.3اوورز میں 208 رنز بنا کر آئوٹ ہوگئی۔
چیمپئنز ٹرافی،بھارت نے بنگلہ دیش کو شکست دیدی
افغانستان کے رحمت شاہ 90رنز بنا کر نمایاں رہے،راشد خان اورعظمت اللہ عمرزئی نے18،18رنز بنائے،ابراہیم زدران17،رحمان اللہ گرباز10،گلبدین نائب 13،نور احمد 9 اورمحمد نبی نے 8 رنز کی اننگز کھیلی۔
جنوبی افریقا کے رباڈا نے 3وکٹیں حاصل کیں،لنگی نگیڈی اورویان ملڈر نے 2،2 کھلاڑیوں کو آؤٹ کیا،قبل ازیں جنوبی افریقا نے ٹاس جیت کر پہلے بیٹنگ کرنے کا فیصلہ کیا۔
وسیم اکرم نے ٹیم سلیکشن پر سوالات اٹھا دیئے
ریان ریکلٹن103رنز بنا کر نمایاں رہے،ٹمبا باووما58 اوروین ڈر ڈوسن نے52رنز کی اننگز کھیلی،ایڈین مارکرم52،ڈیوڈ ملر14اورٹونی ڈی زورزی نے 11رنز بنائے۔
افغانستان کے محمد نبی نے 2وکٹیں حاصل کیں،فضل الحق فاروقی،عظمت اللہ عمرزئی اورنور احمد نے ایک ایک وکٹ حاصل کی۔جنوبی افریقا کے ریان ریکلٹن شاندار سنچری بنانے پر میچ کے بہترین کھلاڑی قرار پائے۔