چیپمئز ٹرافی کے اہم میچ میں پاکستان کی محتاط بیٹنگ جاری ہے،گرین شرٹس کی تیسری وکٹ151رنز پر گرگئی ہے۔
پاکستان کی پہلی وکٹ 41رنز پر گری،بابراعظم 23رنز بنا کر آؤٹ ہو ئے،دوسری وکٹ 47رنز پراس وقت گری جب امام الحق26گیندوں پر10رنز بنا کر رن آؤٹ ہو ئے،کپتان محمد رضوان46 رنز بنا کر آؤٹ ہو ئے۔
سعود شکیل نے 63گیندوں پر50رنز بنائے۔ان کی نصف سنچری میں 4چوکے شامل ہیں، ان کے ساتھ دوسرے اینڈ پر نائب کپتان سلمان علی آغا موجود ہیں۔
ٹاس سے قبل دونوں ٹیموں کے کپتان مصافحہ کرتے ہوئے۔
قبل ازیں چیمپئنز ٹرافی کے اہم ترین میچ میں پاکستان نے بھارت کیخلاف ٹاس جیت کر پہلے بیٹنگ کا فیصلہ کیا،قومی کپتان محمدرضوان کا ٹاس جیتنے کے بعد کہنا تھا کہ ہم اچھا ہدف دینے کی کوشش کریں گے ،ہر میچ اہم ہوتا ہے،ٹیم میں ایک تبدیلی کی گئی ہے ،فخرزمان کی جگہ امام الحق کو ٹیم میں شامل کیا گیا ہے۔
قومی کرکٹ ٹیم پر نیوزی لینڈکیخلاف سلو اوور ریٹ پر جرمانہ عائد
اس گراؤنڈ میں پاکستان کاریکارڈ اچھا ہے،بڑا ہدف دینے کی کوشش کریں گے،اہم ترین میچ ہے،اسے جیتنے کی کوشش کریں گے۔
پاکستانی کرکٹرز قومی ترانے کے احترام میں کھڑے ہیں۔
بھارتی کپتان روہت شرما نے کہا کہ ٹاس جیتنا ہارنا کوئی مسئلہ نہیں،بطور ٹیم بہترین کھیلیں گے،ہم پہلے بالنگ ہی کرنا چاہتے تھے۔
ہمارے پاس تجربہ کار بیٹرز موجود ہیں،ٹیم میں کوئی تبدیلی نہیں کی گئی۔
بھارتی کرکٹر ترانے کے احترام میں کھڑے ہیں۔
بھارت کی جانب سے محمد شامی نے پہلا اوور کرایا جس میں انہوں نے 5 وائیڈ بالز کراڈالیں۔
پاکستان کی پلیئنگ الیون
محمد رضوان،امام الحق،بابراعظم ،سلمان علی آغا،سعود شکیل،خوشدل شاہ ،ابراراحمد ،طیب طاہر،شاہین شاہ آفریدی، حارث رؤف ،نسیم شاہ
بھارت کی پلیئنگ الیون
روہت شرما،شُبھ مَن گِل،ویرات کوہلی،شریاس آئیر،کے ایل راہول،ہاردِک پانڈیا،رویندرا جدیجہ،کُلدیپ یادوو ،اکشرپٹیل،محمد شامی ،ہرشِت رانا