قومی کرکٹ ٹیم کے بھارت سے شکست کے بعد لیجنڈری فاسٹ بولر وسیم اکرم نے چھ بڑے کھلاڑیوں کو ٹیم سے باہر کرنے کا مطالبہ کردیا۔
پاکستان کرکٹ ٹیم کے سابق کپتان وسیم اکرم نے چیمپئنز ٹرافی میں پاکستان ٹیم کی بدترین کارکردگی پر سخت برہمی کا اظہارکرتے ہوئےکہا ہےکہ بہت مواقع دے دیے،اسٹارز بنادیا،اب دلیرانہ فیصلہ لینےکا وقت آگیا ہے۔
انہوں نے ہے کہ نوجوان اور جارحانہ کھلاڑیوں کو لائیں،2026 ٹی ٹوئنٹی ورلڈکپ کیلئے ابھی سے تیاری شروع کریں، بس بہت ہوگیا، اب ٹیم میں تبدیلیوں کا وقت آگیا۔
سابق فاسٹ بولرکا کہنا تھا کہ پانچ میچوں میں سارے بولرز نے ملاکر 60کی ایوریج سے 24وکٹیں لی ہیں۔ ون ڈے کرکٹ میں اس سال 14ممالک کی ٹیموں جن میں عمان اور امریکا بھی شامل ہیں، پاکستان کی بولنگ دوسری بدترین رہی ہے۔
وسیم اکرم کا کہنا تھا کہ اب چیئرمین پی سی بی سلیکشن کمیٹی، کوچ اور پانچ لیجنڈز کو بلاکر پوچھیں کہ یہ سلیکشن کیا کی تھی تم لوگوں نے؟
انہوں نے ہے کہ چیئرمین پی سی بی سلیکٹرز،کپتان،مینٹور سب کو بلائیں اور پوچھیں یہ کیا سلیکشن کی ہے۔ کپتان رضوان بھی قصور وار ہے۔